काठमाडौं- मुलुकको प्रमुख प्रशानिक केन्द्र सिंहदरबारभित्र उच्च क्षमताका पाँचवटा चार्जिक स्टेशन बन्ने भएका छन् । ऊर्जा, जलस्रोत तथा सिँचाइ मन्त्रालयले १ करोड लगानीमा ती चार्जिङ स्टेशन बनाउन लागेको हो ।
ऊर्जा, जलस्रोत तथा सिँचाइ मन्त्रालयले आगामी फागुन २८ गतेदेखि तीस किलोवाट क्षमताका चार्जिङ स्टेशन निर्माण कार्य सुरु गर्नेछ भने आगामी असार १३ गते सम्पन्न गरिने भएको छ ।
सिंहदरबार प्रमुख प्रशासनिक केन्द्र भएपनि विद्युतीय सवारी साधनका लागि उच्च क्षमताको चार्जिङ स्टेशन थिएन । त्यसैको अभाव पूर्तिका लागि मन्त्रालयले उच्च क्षमताको चार्जिङ स्टेशन बनाउन लागिएको उर्जा मन्त्रालयले जनाएको छ । यी चार्जिङ स्टेशनले एक घण्टाभित्र सवारी साधन चार्ज गर्न सकिने मन्त्रालयले जनाएको छ ।
मन्त्रालयअन्तर्गतको नेपाल विद्युत् प्राधिकरणले मुलुकभरी ५१ वटा चार्जिङ स्टेशन निर्माण गरिरहेको छ । जसमध्ये १२ वटा सञ्चालनमा आईसकेका छन् भने ३२ वटाको जडान सम्पन्न भएको छ ।-
