काठमाडौं । अखिल नेपाल फुटबल संघ (एन्फा)का अध्यक्ष कर्माछिरिङ्ग शेर्पाले एएफसीको क्लब लाईसेन्स ब्यवसायीक फुटबलको सुरुवात भएको बताएका छन् ।
एन्फा अध्यक्ष शेर्पाले विभागीय टिम आर्मीले प्राप्त गरेको एएफसी क्लब लाईसेन्सलाई घरेलु फुटबलको ऐतिहासिक उपलब्धिको रुपमा ब्याख्या गरेका छन् ।
‘आर्मीले प्राप्त गरेको लाईसेन्सबाट नेपाली क्लब फुटबलले ऐतिहासिक उपलब्धि हासिल गरेको छ । पहिलो एएफसी क्लब लाईसेन्स प्राप्त गर्ने क्लब, आर्मी बनेको छ । पहिलो क्लब भएकाले ऐतिहासिक महत्व त छँदैछ ।’ शेर्पाले खेलपाटीसंग भने ।
विभागीय टिम आर्मी एएफसी क्लब लाईसेन्स प्राप्त गर्ने नेपालको पहिलो क्लब बनेको छ । विभागीय टिम आर्मीले सन् २०२१ मा हुने एएफसीका प्रतियोगितामा नेपालको प्रतिनिधित्व गर्दै अन्तराष्ट्रिय प्रतियोगतामा सहभागीता जनाउन पाउनेछ ।
‘लिग खेलेपछि च्याम्पियन क्लब विदेशी प्रतियोगिता खेल्न नपाउने अवस्था बनेको थियो । क्लब लाईसेन्स प्राप्त गरेपछि लिगमा दोस्रो हुने टिमले एएफसी कपमा नेपालको प्रतिनिधित्व गर्नेछन् ।’ उनले भने ।
गत वर्षको ए डिभिजन लिगको उपाधि मछिन्द्र क्लबले जितेको थियो । आर्मीलाई अन्तिम खेलमा पराजत गर्दै मछिन्द्र लिग च्याम्पियन बनेको थियो । तर एएफसीको क्लब लाईसेन्स नभएको अवस्थामा मछिन्द्रले एएफसी कप गुमाउने अवस्था बनेको थियो ।
क्लब लाईसेन्सको मान्यता प्राप्त गरेपछि एएफसी कपमा नेपालको प्रतिनिधित्व विभागीय टिम आर्मीले गर्न पाउने भएको हो ।
एन्फा अध्यक्ष शेर्पा क्लब लाईसेन्सिङ लागु भएसंगै ब्यवसायीक फुटबलका लागि सहज वातावरण निर्माण हुने बताए ।
‘आर्मीले क्लब लाईसेन्सिङ प्राप्त गरेपछि अन्य क्लबहरु जसले फुटबलमा लगानी गरेको छ । उनीहरुलाई समेत उर्जा र प्रेरणा मिलेको छ ।’ उनले भने, ‘यसले ब्यवस्थित ढङ्गले फुटबल सञ्चालन गर्ने बाटो खुलेको छ ।’
क्लब लाईसेन्सिङको मापदण्डमा युवा खेलाडी विकासदेखि क्लबलाई ब्यवस्थित बनाउन आवश्यक पर्ने जनशक्तिको ब्यवस्था गर्नुपर्ने उल्लेख छ ।
क्लब लाईसेन्स लागु भएसंगै ब्यवस्थित ढङ्गले फुटबल सञ्चालन गर्न बाटो खुल्ने एएफसीको अपेक्षा छ ।
एएफसीले सन् २०१४ देखि क्लब लाईसेन्सिङ लागु गर्न एन्फालाई दबाब दिदै आएको थियो । झण्डै ६ वर्षको अन्तरमा आर्मी क्लबले मात्र एएफसीको क्लब लाईसेन्स पाउन सफल बनेको छ ।
‘निर्वाचित बनेर आएको पहिलो वर्षमा लाईसेन्सका लागि आवेदन दिएका थियौ । तर सफल भएनौ । दोस्रो पटकका आर्मीलाई सफल बनाएका छौ । यो भन्दा बढी क्लबले चाँडै लाईसेन्स प्राप्त गर्ने विश्वास लिएका छौ ।’ शेर्पाले भने ।
एन्फा अध्यक्षका अनुसार क्लब लाईसेन्स प्राप्त गरेसंगै क्लबसमेत ब्यवसायीक बन्ने बाटोमा अग्रसर हुने दाबी गरे ।
‘लाईसेन्सिङ लागु भएसंगै क्लबको आर्थिक लगायतका सम्पुर्ण पक्ष ब्यवस्थित हुन्छ । फुटबल क्लबको बजारीकरण पनि राम्रो हुन्छ ।’ उनले भने ।
